Heimspiil: Dr Sektor 1921 macht kei Ticketing für d'Heimspiil. Bitte nützend dia offiziella Kanäl. Wenns döt kai Billet meh het, könnd miar eu leider nit wiiterhelfa.
Wichtiga Hiwiis: Dr HCD schaltet jewiils dr Vorverkauf sofort uf, sobald klar isch, dass as wiiters Spiil stattfindet.
Uswärtsspiil: Trotz Stadionkapazität vu über 9'000 Plätz het Fribourg bekanntermassa numa an Mini-Gäschtesektor mit 280 Plätz. Zum die bestmöglichscht Stimmig im Block z'garantiera, sind dia 280 Tickets in Absproch mit am HCD und Gottéron alli an verschiedeni Gruppiariga und Fanclubs verteilt worda. Es gönd kei Billet füre Gästesektor in öffentliche Vorverkauf. Au miar vom Sektor 1921 bzw. d'Szena Davos hend an Teil vum Ticketkontigent für d'Uswärtsspiil in Fribourg kriagt. Das goht aber in erschter Linia nur an Persona, wo mit am organisiarta Car vur Szena mitreisend. Entsprechendi Infos zu da Carfahrta findendr uf üsna Social Media-Kanäl. Falls no Billet übrigbliiba söttend, würemer entsprechend kommuniziara. Wenn d'Carfahrta usverkauft sind, gits au bi üs kai wiiteri Tickets meh.
Sobald wir neue Events gemacht haben, werden wir diese hier und auf unseren Social Media-Kanälen veröffentlichen.
